Rydyn ni am i gartrefi fod yn gynnes ac yn iach, heb gostio llawer i'w cynhesu. Mae cartrefi drafft, llaith, wedi'u hinswleiddio'n wael yn her yng nghanol Cymru. Mae Ecodyfi wedi prynu camerâu thermol ar gyfer codi ymwybyddiaeth o wres yn gollwng o adeiladau, ac i helpu pobl i nodi blaenoriaethau ar gyfer gwella eu cartrefi. Y gobaith yw y gall deiliaid tai, cynghorau ac adeiladwyr gymryd camau i wella ansawdd tai, fel bod angen llai o ynni i'w cynhesu a lleihau tlodi tanwydd. 

​

Rydym wedi llunio'r pecyn adnoddau hwn i'ch cysylltu â rhagor o gyngor ar wella effeithlonrwydd ynni cartref. Rhowch wybod i ni os ydych yn gwybod am adnoddau da eraill y gallwn eu hychwanegu at y pecyn! Yn ogystal, mae Chris o Poppins Appliance Repairs (Machynlleth), wedi creu’r canllaw hynod ddefnyddiol hwn ar arbed ynni trwy sut rydym yn defnyddio offer fel poptai, microdonau, a pheiriannau golchi dillad.

Mae croeso i chi fenthyg un o'r camerâu thermol am ddim. Yn gyntaf, neilltuwch un am ychydig ddyddiau gan ddefnyddio'r calendr archebu hwn. Yna cysylltwch ag andy@ecodyfi.cymru i dderbyn copi o'r cytundeb benthyciad, canllaw ar ddefnyddio'r camera, ac i drefnu casglu a gollwng y camera.

​

Gwiriwch a yw'ch ffôn yn gydnaws â'r camerâu yma: Dolen i wefan Flir. Mae'n ddrwg gennym os nad yw'r camera'n gydnaws â'ch ffôn. Efallai gweld a allwch chi ymuno â chymydog neu ffrind i ddefnyddio'r camera ar eu ffôn?

Rhannwch eich canfyddiadau gyda chymdogion a ffrindiau os gwelwch yn dda, a pharhewch â'r sgyrsiau a'r gweithredoedd tuag at wneud pob cartref yn gynnes, yn sych ac yn effeithlon o ran ynni!